سياسة الاسترجاع والإلغاء
هذي السياسة تنطبق على كل المدفوعات لبيت العقول في مدار، مُعقّب، وEasyRender. كتبناها بسيطة عشان تعرف حقّك من البداية.
الإلغاء
- تقدر تلغي اشتراكك بأي وقت من إعدادات التطبيق، أو تراسلنا.
- بعد الإلغاء ما ينسحب منك شي جديد، ويبقى اشتراكك شغّال لآخر الفترة اللي دفعتها.
متى تسترجع فلوسك
- خلال ٧ أيام من أول دفعة: لو ما استفدت من المزايا المدفوعة بشكل فعلي، نرجّع لك المبلغ كامل.
- انسحب منك مرتين، أو بعد ما ألغيت: نرجّع لك المبلغ الزايد كامل، بأي وقت تكتشفه.
- ما قدرنا نقدّم اللي دفعت عليه: مثل تعطّل الخدمة فترة طويلة بسببنا، أو طلب ما تم تنفيذه. نرجّع لك قيمة الجزء اللي ما وصلك.
متى ما يتم الاسترجاع
- بعد ٧ أيام من الدفع، لو كانت الخدمة شغّالة واستفدت منها، ما نرجّع الفترة اللي مضت. تقدر تلغي التجديد الجاي.
- لو أوقفنا الحساب بسبب مخالفة شروط الاستخدام.
كيف تطلب الاسترجاع
- راسلنا على hello@houseofminds.sa من البريد المسجّل في حسابك.
- اذكر اسم التطبيق، وتاريخ الدفع أو رقم الفاتورة، والسبب باختصار.
- نرد عليك خلال ٣ أيام عمل.
وين ترجع الفلوس وكم تاخذ
نرجّع المبلغ لنفس وسيلة الدفع اللي استخدمتها (مدى، Apple Pay، أو البطاقة). عادةً يوصلك خلال ٥ إلى ١٤ يوم عمل حسب البنك.
حقوقك النظامية
هذي السياسة ما تقلّل أي حق لك بموجب نظام التجارة الإلكترونية أو أنظمة حماية المستهلك في المملكة.